Pasintmonata Vikipedia konkurso "Aprilo - Monato de Vikipedio", krom alia, rezultis ankaŭ en la plej granda kresko de la plej gravaj artikoloj inter ĉiuj Vikipedioj. Esperanta Vikipedio eĉ akiris unuan lokon kaj ricevis medalon.

Ni jam vin informis pri la konkurso "Aprilo - Monato de Vikipedio". La konkurso finiĝis je la meznokto inter 30-a de aprilo kaj 1-a de majo kaj nun ni povas iom bilanci.

Konkurson partoprenis 28 konkursantoj, iuj ege strebe plibonigadis artikolojn, aliaj faris nek unu redakton sed same konkursis. Precipe la unua grupo meritas pri granda kresko de kvalito de 1 000 artikoloj, kiujn spertaj vikipediistoj opinias la plej gravaj kaj nepre havendaj en ĉiuj kvalitaj Vikipedioj. Kresko eĉ tiom grandis ke Esperanta vikipedio akiris unua lokon laŭ monata kresko. Kompare kun alilingvaj vikipedioj moviĝis Esperanta el 37-a loko al 33-a (ekrankopio).